侬晓得伐，现在交关东西来了涨价，到菜场里厢侬去看一看，迪格价迪侬么办法看得懂。

　　侬晓得伐，水电煤阿涨价了，侬还伐省省用，么事体格辰光捺电视剧关关特。

　　侬晓得伐，大橱里介许多格衬衫，还要去买，算啥意思，人民币又伐是橘子皮。

　　侬晓得伐，隔壁人家小囡老有出息，考进了名牌大学。

　　侬晓得伐，做男人要有腔调，侬天天腊了屋里厢，一眼花头还么。

　　侬晓得伐，现在股票炒格人交关，才来了赚钞票，迪格侬还伐懂，嫁了侬格种男人，前世里欠侬格。

　　天天有女人来了侬边上，讲了最多格就是迪格几句闲话，几十年下来已经老早习惯了，让伊讲讲又不要紧格，日脚还要过下去，太阳明早早上还是要升起来。迪格就是上海男人跟上海女人过日脚最多格闲话，要学会听得懂，迪格日脚就过得下去。想想交关人家炒相骂，就是伐晓得女人讲过之后就好了呀。迪格女人讲了越多说明伊对侬越好，侬晓得伐。