到公司上班后交关事体往往自家做得蛮好，但是老板动勿动还要请我吃排头，明明跟我一眼眼还格业务做坏脱了，硬讲与我搭界，要扣我格钞票奖金，弄得我火气黑大。跟伊摆道理，依不听还要吓我，再讲就炒鱿鱼。么办法，啥人让我来了迪个部门，迪个老板手下做生活，只好吃瘪。

　　其实阿拉生活、工作中往往有交关事体明明一眼眼勿搭界，可由于别人格勿了解，硬把伊搭界进去。还有交关事体明明搭界，到了关键辰光倒是勿搭界了。好事体是人家格，错误格事体就跟了我。到底啥事体跟我搭界，我一直弄勿清爽。所以讲公司里厢发生事体格辰光，我现在是基本上勿去关心，生怕跟我搭界，到了外面交关闲事我还不去望“斜眼”，生怕跟我搭界。越是勿想搭界越是会的搭界。这天早上公司里来了交关警察，一问原来是公司里昨天夜里厢有小偷，到阿拉公司里偷么事，警察一个个问了公司同事，想想格种事跟我总归勿搭界，就到边上去白相寻两格同事嘎山胡。

　　等到警察走了之后，老板让阿拉自己检查自己少了啥么事，我拉开自己格写字台一看，坏了，翻了一塌糊涂，勿搭界嘎事体又跟我搭界了，现在想想还是有点胸闷。

　　勿搭界在我们的生活中工作职场中可以用的太多太多，隔壁邻居吵架跟阿拉勿搭界；马路上车子出事体勿是我，跟阿拉勿搭界；同事格业务做拉好勿好还跟我勿搭界，公司格业绩上勿上得上去也跟我勿搭界，我只要做好自家格工作跟我勿搭界格事体尽量勿去搭界。到了年底公司总结汇报，勿晓得那能就是因为勿搭界，领导讲么团结合作精神勿仅仅是扣奖金，还让我降了一级，真勿晓得啥地方又做错特了。后来才晓得公司格文化是团结，共同前进，勿因为某一个人的工作好就升职，一个公司大家都是同事只有大家才搭界，公司才会得壮大。

　　勿搭界在我们的公交车地铁上也常常听得见，一些小偷偷东西，有乘客明明看到，还有东西被小偷偷去了，报了110之后警察到来，小偷把偷的东西扔在地上，警察让一些乘客作证明，可许多人都以没看见、勿晓得、跟我勿搭界而不愿意去作证，特别气人的是被小偷偷走东西的现在找到了，也不愿意作证，警察没有人作证明，么证据就无法给小偷定罪。这样的勿搭界实在是害人呐。