■郑树林 文 剪纸

    “跷跷板，滑滑板，大头娃娃做夜班。”迪首童谣是阿拉小辰光经常唱格，里厢唱到格跷跷板是阿拉同学白相格一种童年游戏，迪种游戏本来弄堂里头阿好白相，别过长板凳捺（拿）出来大人要讲闲话，影响邻居格生活所以讲慢慢交就勿白厢。如果想白厢只好想办法到公园里格儿童游乐场白厢，到公园去白厢要买门票，难板偷偷交翻围墙进去，么抓老勿要紧，要是抓老闲话学堂里格老师跟爷娘晓得一顿竹笋烤肉是免勿了格。要晓得老里白早格辰光，阿拉白相格游戏项目是老少老少。要白厢跷跷板只有等到爷娘讲好礼拜天去白厢，格么礼拜天前格夜里困觉是困勿着了，所以讲迪格一夜天就像大人做夜班，要等天亮到公园白厢跷跷板。

    白厢跷跷板讲究格是二头平衡，一根长长的板下面有一个支撑点，板的两头坐上去格人重量相差不能太大，相差太大跷跷板就跷勿起来，或者是一头跷起来，另外一头上勿上来。当然有辰光为了比输赢，一头同学人数跟重量看上去差不多，实际上有两个是坑肉，伊拉少许加眼力度勿让对方落下来，对方一头就跷在半当中，如果双方是四个人的闲话，正应了一句悬空八只脚，能看到对方“悬空八只脚”是蛮有意思格。所以讲白相跷跷板勿光是会白相，还要晓得哪能让对方跷了半空中。

    现在阿拉在生活或者工作中再听到某一个人，或者某一个同事被其他同事说成是有点跷跷板的话，这跷跷板意思已经完全不一样了。切记如果有人在讲你做人做事像跷跷板一样，那也许就是形容做人做事体没有原则，颠来倒去看人看事讲话做事，自己没有主见观点。