现在格通讯是老发达了，啥格手机、QQ、MSN，还有啥卫星定位，男女约会只要迪格手指动一动，一切要讲格闲话、约会格地方马上就让对方收到，只要马路勿堵车，勿大会迟到格。

　　想想老早格辰光就么加便当，全部要靠弄堂口格公用传呼电话，男女之间谈朋友格信息也要靠传呼电话来传递，传呼电话格叔叔、阿姨统统是退休工人，依拉对弄堂格每家人家都很熟悉，只要侬要跟朋友联系，就要通过依拉电话传呼，啥人屋里厢谈啥朋友叫啥姓啥依拉最清爽，迪格辰光啥人好得罪，公用电话传呼不大好得罪，依拉迪只喇叭一传街坊邻居统统晓得。

　　只要侬想打公用电话，三分钟一只四分钱，电话边上有只钟两位看电话格叔叔或者阿姨眼睛看得老紧，一到三分钟就会提醒侬一声。

　　为了不让伊拉晓得对方格电话号码或者内容，谈朋友格朋友想出来交关办法，单位名称简称，上海机床厂叫上机厂，自来水厂叫上水厂等，发明格各种简称，在传呼格辰光闹出交关笑话。必过传呼最多格是“老辰光，老地方今朝夜里勿要忘记”格闲话。这种闲话和暗语只有他们自己明白，就像当年地下党用密码，而且没过几个月就会换新的暗语，他们知道这暗语时间一长传呼电话格叔叔阿姨可以猜得出，要知道在那个年代能在传呼电话亭工作的，都是一些退休知识分子。

　　虽然几十年过去了，阿拉还是常常能够听到今朝老辰光或者老地方，侬听不懂勿要紧。但是千万勿要去问啥格老辰光老地方，迪格是依拉格隐私。传呼电话传呼的比较多的是一些单位里的事，单位里加班晚点到家，学校里有个通知被录取了等等，不管什么事只要经过传呼电话这么一传呼，整个弄堂里都会知道，在传呼电话的年代，个人隐私是没有必要去斤斤计较的。